Gu'antanamodiki Uyghurlarning amérika fédéral sotida guwahliqtin ötüshi telep qilindi
Muxbirimiz erkin xewiri
2008.09.12
2008.09.12
Bu gu'antanamodiki tutqunlargha munasiwetlik qoyup bérish erzide tunji qétim dawagerlerning washin'gton'gha chaqirtilip, sot mehkimiside guwahliqtin ötüshini telep qilish bolup hésablinidu.
Amérikining washin'gton rayonidiki fédéral sot mehkimisining sotchisi rikardo urbna 10 - ayning 7 - küni gu'antanamodiki 17 neper Uyghurning kélechikige munasiwetlik erzini körüp chiqmaqchi idi.
Sot küni yétip kélishtin 4 hepte burun tutqunlarning adwokatliri yuqiriqi 17 neper tutqunning ichidiki 4 kishining washin'gton'gha kélip guwahliq bérishini, qalghan 13 kishining sotni gu'antanamoda turup téléfonda anglishini telep qilghan. Lékin amérika edliye ministirliqi gu'antanamodiki her qandaq bir tutqunni amérika zéminigha élip kélishke qarshi turmaqta.
Közetküchilerning perez qilishiche, amérika dölet mudapi'e ministirliqi, Uyghur tutqunlarning ichidiki 5 kishining " düshmen jengchisi " dégen qalpiqini élip tashlighan bolsimu, lékin adwokatlarning 4 neper Uyghurni sotqa chaqirtish tirishchanliqi amérika edliye ministirliqining qarshi turushigha uchrishi mumkin.
Sotchi urbna Uyghurlarni sotqa chaqirish yaki chaqirmasliqni téxi qarar qilmighan. Eger sotchi chaqirtishni qarar qilsa edliye ministirliqi we besh burjeklik bina sotning qararigha boysunushi kérek.