ئاۋسترالىيىدىكى ئۇيغۇرلار ، ئاۋسترالىيە ھۆكۈمىتىنى گۈئانتانامودىكى ئۇيغۇرلارغا پاناھلىق بېرىشكە چاقىردى


2007-06-12
Share

ئاۋسترالىيە مەتبۇئاتىنىڭ خەۋەر قىلىشىچە، ئاۋسترالىيىدىكى ئۇيغۇر جامائىتى، ئاۋسترالىيە ھۆكۈمىتىدىن گۈئانتانامودىكى ئۇيغۇرلارغا سىياسىي پاناھلىق بېرىشىنى تەلەپ قىلغان.

نيۇيورك ۋاقتى گېزىتى، ئامېرىكا ھۆكۈمىتىنىڭ گۈەنتانامودا تۇتۇپ تۇرىلىۋاتقان ئۇيغۇرلارنى ئورۇنلاشتۇرۇش ئۈچۈن ئاۋسترالىيە قاتارلىق يۈز ئەتراپىدا دۆلەتكە مۇراجەت قىلغانلىقىنى، لېكىن ھازىرغىچە پەقەت ئالبانىيىدىن باشقا ھېچقانداق دۆلەتنىڭ ئامېرىكىنىڭ گۈئانتانامودىكى ئۇيغۇرلارغا سىياسىي پاناھلىق بېرىش تەلىپىنى قوبۇل قىلمىغانلىقىنى خەۋەر قىلغان ئىدى.

گېزىتنىڭ خەۋىرىدە ئېيتىلىشىچە، گۈەنتانامودا تۇتۇپ تۇرىلىۋاتقان ئۇيغۇرلارنى خىتايغا قايتۇرۇپ كېلىشنى مەقسەت قىلغان خىتاي ھۆكۈمىتى، ئامېرىكىنىڭ بۇ تەلىپىنى رەت قىلىش ئۈچۈن دۇنيادىكى نۇرغۇنلىغان دۆلەتلەرگە بېسىم ئىشلەتكەن.

ئاۋسترالىيىدە چىقىدىغان "ئەسىر" گېزىتىنىڭ خەۋەر قىلىشىچە، ئاۋسترالىيە تۈركىستان جەمئىيىتىنىڭ رەئىسى ئەخمەت ئىگەمبەردى ئاۋسترالىيە ھۆكۈمىتىدىن، گۈەنتانامودا تۇتۇپ تۇرىلىۋاتقان ئۇيغۇرلارنىڭ بىر قىسىمنى قوبۇل قىلىشقا چاقىرغان. ئۇ، كىشىلىك ھوقۇقنىڭ خىتايدىكى ئەھۋالىنىڭ كۈنسېرى ناچارلىشىۋاتقانلىقىنى تەكىتلەپ، ئەگەر گۈەنتانامودا تۇتۇپ تۇرىلىۋاتقان ئۇيغۇرلار خىتايغا قايتۇرۇلسا، خىتاي ھۆكۈمىتى ئۇلارنى ئۆلۈمگە ھۆكۈم قىلىپ، ئۆلتۈرىدۇ، دېگەن.

خەۋەردە ئېيتىلىشىچە، ئاۋسترالىيىدىكى ئۇيغۇر جامائىتى بۇ مەسىلە توغرىسىدا جەنۇبىي ئاۋسترالىيە باش تەپتىش ئىدارىسى بىلەن كۆرۈشكەن. (ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت