Австралийидики уйғурлар , австралийә һөкүмитини гүантанамодики уйғурларға панаһлиқ беришкә чақирди


2007-06-12
Share

Австралийә мәтбуатиниң хәвәр қилишичә, австралийидики уйғур җамаити, австралийә һөкүмитидин гүантанамодики уйғурларға сиясий панаһлиқ беришини тәләп қилған.

Нюйорк вақти гезити, америка һөкүмитиниң гүәнтанамода тутуп туриливатқан уйғурларни орунлаштуруш үчүн австралийә қатарлиқ йүз әтрапида дөләткә мураҗәт қилғанлиқини, лекин һазирғичә пәқәт албанийидин башқа һечқандақ дөләтниң америкиниң гүантанамодики уйғурларға сиясий панаһлиқ бериш тәлипини қобул қилмиғанлиқини хәвәр қилған иди.

Гезитниң хәвиридә ейтилишичә, гүәнтанамода тутуп туриливатқан уйғурларни хитайға қайтуруп келишни мәқсәт қилған хитай һөкүмити, америкиниң бу тәлипини рәт қилиш үчүн дунядики нурғунлиған дөләтләргә бесим ишләткән.

Австралийидә чиқидиған "әсир" гезитиниң хәвәр қилишичә, австралийә түркистан җәмийитиниң рәиси әхмәт игәмбәрди австралийә һөкүмитидин, гүәнтанамода тутуп туриливатқан уйғурларниң бир қисимни қобул қилишқа чақирған. У, кишилик һоқуқниң хитайдики әһвалиниң күнсери начарлишиватқанлиқини тәкитләп, әгәр гүәнтанамода тутуп туриливатқан уйғурлар хитайға қайтурулса, хитай һөкүмити уларни өлүмгә һөкүм қилип, өлтүриду, дегән.

Хәвәрдә ейтилишичә, австралийидики уйғур җамаити бу мәсилә тоғрисида җәнубий австралийә баш тәптиш идариси билән көрүшкән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт