Awstraliyidiki Uyghurlar , awstraliye hökümitini gü'antanamodiki Uyghurlargha panahliq bérishke chaqirdi


2007-06-12
Share

Awstraliye metbu'atining xewer qilishiche, awstraliyidiki Uyghur jama'iti, awstraliye hökümitidin gü'antanamodiki Uyghurlargha siyasiy panahliq bérishini telep qilghan.

Nyuyork waqti géziti, amérika hökümitining güentanamoda tutup turiliwatqan Uyghurlarni orunlashturush üchün awstraliye qatarliq yüz etrapida döletke murajet qilghanliqini, lékin hazirghiche peqet albaniyidin bashqa héchqandaq döletning amérikining gü'antanamodiki Uyghurlargha siyasiy panahliq bérish telipini qobul qilmighanliqini xewer qilghan idi.

Gézitning xewiride éytilishiche, güentanamoda tutup turiliwatqan Uyghurlarni xitaygha qayturup kélishni meqset qilghan xitay hökümiti, amérikining bu telipini ret qilish üchün dunyadiki nurghunlighan döletlerge bésim ishletken.

Awstraliyide chiqidighan "esir" gézitining xewer qilishiche, awstraliye türkistan jem'iyitining re'isi exmet igemberdi awstraliye hökümitidin, güentanamoda tutup turiliwatqan Uyghurlarning bir qisimni qobul qilishqa chaqirghan. U, kishilik hoquqning xitaydiki ehwalining künséri nacharlishiwatqanliqini tekitlep, eger güentanamoda tutup turiliwatqan Uyghurlar xitaygha qayturulsa, xitay hökümiti ularni ölümge höküm qilip, öltüridu, dégen.

Xewerde éytilishiche, awstraliyidiki Uyghur jama'iti bu mesile toghrisida jenubiy awstraliye bash teptish idarisi bilen körüshken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet