Авам палата әзаси моран ,гүантанамодики уйғурларға чиқиш йоли беришни тәләп қилди


2007-06-15
Share

Америка дөләт мәҗлисиниң вирҗинийилик демократик авам палата әзаси җеймис моран, гүантанамодики уйғурларға чиқиш йоли берилиши керәкликини, америка уларни йолға салғанда уларға айрупиландин чүшүшигә өлүм җазаси берилмәйдиған бир дөләткә әвәтиши зөрүрликини тәкитлиди.

Җеймис моран йәнә, гүантанамодики 5 уйғурниң албанийигә орунлаштурулғанлиқини тәнқидләп," албанийә бу кишиләр үчүн тегишлик йәр әмәс. Биз уйғурлар яшап бақмиған албанийидә уйғур җамаәтчилики пәйда қиливатимиз. Улар һазирға қәдәр албанчә бир ботулка су сорашни өгинишкә тиришиватиду " дәп көрсәтти.

Җеймис моранниң әскәртишичә, албанийидә 5 кишилик уйғур җамаити яритилғандин кейин, әмди гүантанамодики башқа уйғурларниму албанийигә әвәтиш йоли ечилған болуши мумкин. Лекин у, уйғурларни албанийигә әвәтишкә қарши турди вә бу мәсилини һәл қилишниң башқичә чарисини тепишқа чақирди.

"Әгәр улар панаһлиқ тәләп қилса, биз уларға америкида бир йәрни тепишимиз керәк "дәп тәкитлигән җеймис моран," лекин , улар сияси җәһәттә өзи -өзигә вәкиллик қилалмайдиған, диний әркинлик вә шәхси етиқадини ипадилийәлмәйдиған шундақла бизму қарши туридиған диктатор коммунистик һакимийәткә қарши турғанлиқи үчүнла биз уларни 5 йилдин бери қараңғу бир һаңда тутуп туруватимиз " дәйду. Җеймис моран бу сөзләрни америкидики бир ташқи сиясәт тәтқиқат орни билән өткүзгән сөһбитидә тәкитлиди.

Буш һөкүмити хәлқара вә мәмликәт ичидә гүәнтанамо тутқунлар лагирини тақиветиш һәққидики бесимларға дуч кәлмәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт