Awam palata ezasi moran ,gü'antanamodiki Uyghurlargha chiqish yoli bérishni telep qildi


2007-06-15
Share

Amérika dölet mejlisining wirjiniyilik démokratik awam palata ezasi jéymis moran, gü'antanamodiki Uyghurlargha chiqish yoli bérilishi kéreklikini, amérika ularni yolgha salghanda ulargha ayrupilandin chüshüshige ölüm jazasi bérilmeydighan bir döletke ewetishi zörürlikini tekitlidi.

Jéymis moran yene, gü'antanamodiki 5 Uyghurning albaniyige orunlashturulghanliqini tenqidlep," albaniye bu kishiler üchün tégishlik yer emes. Biz Uyghurlar yashap baqmighan albaniyide Uyghur jama'etchiliki peyda qiliwatimiz. Ular hazirgha qeder albanche bir botulka su sorashni öginishke tirishiwatidu " dep körsetti.

Jéymis moranning eskertishiche, albaniyide 5 kishilik Uyghur jama'iti yaritilghandin kéyin, emdi gü'antanamodiki bashqa Uyghurlarnimu albaniyige ewetish yoli échilghan bolushi mumkin. Lékin u, Uyghurlarni albaniyige ewetishke qarshi turdi we bu mesilini hel qilishning bashqiche charisini tépishqa chaqirdi.

"Eger ular panahliq telep qilsa, biz ulargha amérikida bir yerni tépishimiz kérek "dep tekitligen jéymis moran," lékin , ular siyasi jehette özi -özige wekillik qilalmaydighan, diniy erkinlik we shexsi étiqadini ipadiliyelmeydighan shundaqla bizmu qarshi turidighan diktator kommunistik hakimiyetke qarshi turghanliqi üchünla biz ularni 5 yildin béri qarangghu bir hangda tutup turuwatimiz " deydu. Jéymis moran bu sözlerni amérikidiki bir tashqi siyaset tetqiqat orni bilen ötküzgen söhbitide tekitlidi.

Bush hökümiti xelq'ara we memliket ichide güentanamo tutqunlar lagirini taqiwétish heqqidiki bésimlargha duch kelmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet