Буш һөкүмити гүәнтанамо түрмисини тақиветишни ойлишиватиду


2007-06-22
Share

Америка һөкүмитидики әмәлдарлар гүәнтанамоға җайлашқан әсирләр лагирини тақиветиш вә бу лагирдики әсирләрни америка земинидики бир һәрбий түрмигә йөткәш мәсилисидә пикир бирликигә келип қалған.

Буш һөкүмитидики юқири дәриҗилик әмәлдарларниң пәйшәнбә күни бирләшмә ахбарат агентлиқиға бәргән мәлуматиға қариғанда, улар гүәнтанамодики лагирни тақиветиш, лагирдики тутқунларни америкиниң канзас штатидики форт левенворс түрмиси қатарлиқ һәрбий түрмиләргә йөткәш мәсилисидә пикир бирликигә келишкә аз қалғанлиқини вә уларниң бу җайда сотлинидиғанлиқини билдүргән.

Лекин бирләшмә ахбарат агентлиқиниң хәвиридә, президент бушниң дөләт бихәтәрлик вә қанун мәслиһәтчилири җүмә күни бу мәсилә үстидә музакирә елип баридиғанлиқини билдүргән болсиму, лекин ақ сарай, бу мәсилиниң җүмә күни музакирә қилинмайдиғанлиқини вә гүәнтанамодики тутқунларниң орни мәсилисидә алдираш йоқлуқини әскәртти.

Бәзи анализчиларниң әскәртишичә, әгәр гүәнтанамодики тутқунлар америка земиниға йөткәлсә, бу мәзкур лагирдики 17 нәпәр уйғур тутқунни америкидин сиясий панаһлиқ тиләш мумкинчиликигә игә қилиши мумкин. Чүнки америка дөләт мәҗлисидики бәзи әзалар чәтәллик җинайәтчиләрниң америка сот мәһкимилиригә әрз қилиш һоқуқини әслигә кәлтүридиған бир қанун лайиһиси сунушни ойлашмақта. Униң үстигә гүәнтанамодики уйғурлар америка һәрбий сот коллигийисидә сотлинидиған " дүшмән җәңчилири" әмәс. Улар хитайға қайтурулмайдиған 3 - дөләтниң қобул қилишини күтүп туруватқан мусапирлар иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт