Bush hökümiti güentanamo türmisini taqiwétishni oylishiwatidu


2007-06-22
Share

Amérika hökümitidiki emeldarlar güentanamogha jaylashqan esirler lagirini taqiwétish we bu lagirdiki esirlerni amérika zéminidiki bir herbiy türmige yötkesh mesiliside pikir birlikige kélip qalghan.

Bush hökümitidiki yuqiri derijilik emeldarlarning peyshenbe küni birleshme axbarat agéntliqigha bergen melumatigha qarighanda, ular güentanamodiki lagirni taqiwétish, lagirdiki tutqunlarni amérikining kanzas shtatidiki fort léwénwors türmisi qatarliq herbiy türmilerge yötkesh mesiliside pikir birlikige kélishke az qalghanliqini we ularning bu jayda sotlinidighanliqini bildürgen.

Lékin birleshme axbarat agéntliqining xewiride, prézidént bushning dölet bixeterlik we qanun meslihetchiliri jüme küni bu mesile üstide muzakire élip baridighanliqini bildürgen bolsimu, lékin aq saray, bu mesilining jüme küni muzakire qilinmaydighanliqini we güentanamodiki tutqunlarning orni mesiliside aldirash yoqluqini eskertti.

Bezi analizchilarning eskertishiche, eger güentanamodiki tutqunlar amérika zéminigha yötkelse, bu mezkur lagirdiki 17 neper Uyghur tutqunni amérikidin siyasiy panahliq tilesh mumkinchilikige ige qilishi mumkin. Chünki amérika dölet mejlisidiki bezi ezalar chet'ellik jinayetchilerning amérika sot mehkimilirige erz qilish hoquqini eslige keltüridighan bir qanun layihisi sunushni oylashmaqta. Uning üstige güentanamodiki Uyghurlar amérika herbiy sot kolligiyiside sotlinidighan " düshmen jengchiliri" emes. Ular xitaygha qayturulmaydighan 3 - döletning qobul qilishini kütüp turuwatqan musapirlar idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet