Америка дөләт мәҗлиси кишилик һоқуқ комитети уйғур вәзийити һәққидә йиғин чақирди


2005-04-27
Share

Америка дөләт мәҗлиси кишилик һоқуқ комитети чаршәнбә күни чүштин кейин, америка дөләт мәҗлисиниң рейберн сарийида уйғурларниң кишилик һоқуқ вәзийити тоғрисида мәхсус йиғин чақирди.

Йиғинға йеқинда хитай һөкүмити тәрипидин қоюп берилгән уйғур карханичи вә атақлиқ кишилик һоқуқ паалийәтчиси рабийә қадир қәдәм тәшрип қилип, уйғур елиниң нөвәттики вәзийити вә кишилик һоқуқ әһвали һәққидә доклат бәрди.

Мәзкур йиғинда йәнә, америка ташқи ишлар министирлиқидики демократийә, кишилик һоқуқ вә әмгәк бөлүминиң асия ишлири мәслиһәтчиси сузән осуливан, хәлқара кәчүрүм тәшкилатиниң америкидики вәкили т. Кумар вә америкидики кишилик һоқуқни күзитиш тәшкилатидин вина сидарс қатарлиқлар сөз қилди.

Улар йиғинда, уйғурларниң кишилик һоқуқ вәзийитиниң хитайниң бесими астида күчлүк дәпсәндә қилиниватқанлиқини тәкитләш билән биргә, хитай һөкүмитини уйғурларниң асасий кишилик һоқуқни һөрмәт қилишқа чақирди.

Йиғинға йәнә, америка уйғурлири бирләшмисиниң рәиси нури түркәлму қатнашти. У йиғин залидикиләргә, уйғурларниң нөвәттики вәзийитини қисқичә тонуштурди .(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт