Rabiye qadir , amérika dölet mejliside Uyghurlarning kishilik hoquq weziyitining nacharliqini pash qildi


2005-04-28
Share

Xitay hökümiti teripidin yéqinda qoyup bérilgen Uyghur kishilik hoquq pa'aliyetchisi rabiye qadir, amérika dölet mejlisi kishilik hoquq komitétida charshenbe küni guwahliq bérip, xitay hökümitining Uyghurlarning kishilik hoquqini qattiq ayaq- asti qiliwatqanliqini pash qildi.

U Uyghurlarning nöwette iqtisadiy jehette yekliniwatqan, medeniyiti we milliy kimliki tehdidke uchrawatqan, kishilik hoquqi xalighanche tutqun qilinish, adaletsiz sotlinish we ten jazasigha uchrashtek éghir depsenchilikke uchrawatqan weziyitini konkrét misallar bilen chüshendürüp, "xelqim tarixidiki eng zulmetlik dewirni béshidin kechürmekte"- dédi.

Ispat bérish yighinida guwahliq bergen amérika tashqi ishlar ministirliqidiki démokratiye, kishilik hoquq we emgek bölümining asiya ishliri meslihetchisi suzen osuliwan xanimmu, xitay hökümitining Uyghurlarning diniy we siyasiy erkinlikini basturiwatqanliqini qattiq eyiplidi.

U yene, xitay hökümitining Uyghurlargha qaratqan milliy kemsitish siyasiti we Uyghur éligha köchmen yötkesh siyasiti heqqide toxtilip, xitay hökümitini Uyghurlarning asasiy kishilik hoquqini hörmet qilishqa chaqirdi.

Ispat bérish yighinining axirida, xelq'ara kishilik hoquq teshkilatlirining wekilliri we amérika Uyghur jem'iyitining re'isi nuri türkel ependi guwahliqtin ötüp, Uyghurlarning nöwettiki diniy we siyasiy weziyitini tonushturdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet