Пакистандики уйғур һаҗи намзатлири һәҗигә бериш визисиға еришти


2006-10-03
Share

Сәккиз күндин буян пакистандики сәуди әрәбистан әлчханиси алдида намайиш өткүзгән уйғур һаҗи намзатлириға һәҗигә бериш визиси берилди.

10 ‏- Айниң 2 ‏- күнидин башлап , әрәбистанға һәҗгә бармақчи болған нәччә миңлиған һаҗи намзатлири пакистандики сәуди әрәбистан әлчиханисиға баридиған йоллар үстидә олтуруп, қуран кирим оқуп наразилиқ билдүргән . Улар бу хил һәрикити арқилиқ сәуди әрәбистан һөкүмитидин һәҗгә бериш визиси беришни қаттиқ тәләп қилған.

Хитай һөкүмити бу йил 5 ‏- айда, сәуди әрәбистан һөкүмити билән келишим түзүп, хитай пуқраси болған мусулманларға 3 ‏- бир дөләттә виза бәрмәслик қарарини чиқарған . Сәуди әрәбистанниң пакистанда турушлуқ әлчиханиси хитай һөкүмитиниң тәлипигә асасән , дәсләптә мәзкур җайға барған бу қетимқи уйғур һаҗи намзатлириниң виза илтимаслирини рәт қилған.

Пакистандики һәҗгә бармақчи болған уйғурларниң әһвалидин хәвәрдар болған уйғур миллий һәрикитиниң рәһбири рабийә қадир ханим мәзкур мәсилини һәл қилиш үчүн намайиш қилиш, очуқ хәт йезиш қатарлиқ паалийәтләрни уюштуруп, уйғурларниң хитай һөкүмити вә сәуди әрәбистан һөкүмитигә болған қаттиқ наразилиқини билдүргән.

Шуниң билән 10 ‏- айниң 3 ‏- күни, пакистандики 2000 дин артуқ һаҗи намзатлириниң һәммисигә сәуди әрәбистан әлчиханиси тәрипидин виза берилди. Қолиға виза алған уйғур һаҗи намзатлири шадлиққа чөмүш билән бир вақитта өзлириниң рабийә ханимға болған чоңқур һөрмитини билдүрмәктә. Бу һәқтики тәпсилий мәлуматни мухбиримиз әқидәдин аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт