Pakistandiki Uyghur haji namzatliri hejige bérish wizisigha érishti

Sekkiz kündin buyan pakistandiki se'udi erebistan elchxanisi aldida namayish ötküzgen Uyghur haji namzatlirigha hejige bérish wizisi bérildi.

10 ‏- Ayning 2 ‏- künidin bashlap , erebistan'gha hejge barmaqchi bolghan nechche minglighan haji namzatliri pakistandiki se'udi erebistan elchixanisigha baridighan yollar üstide olturup, qur'an kirim oqup naraziliq bildürgen . Ular bu xil herikiti arqiliq se'udi erebistan hökümitidin hejge bérish wizisi bérishni qattiq telep qilghan.

Xitay hökümiti bu yil 5 ‏- ayda, se'udi erebistan hökümiti bilen kélishim tüzüp, xitay puqrasi bolghan musulmanlargha 3 ‏- bir dölette wiza bermeslik qararini chiqarghan . Se'udi erebistanning pakistanda turushluq elchixanisi xitay hökümitining telipige asasen , deslepte mezkur jaygha barghan bu qétimqi Uyghur haji namzatlirining wiza iltimaslirini ret qilghan.

Pakistandiki hejge barmaqchi bolghan Uyghurlarning ehwalidin xewerdar bolghan Uyghur milliy herikitining rehbiri rabiye qadir xanim mezkur mesilini hel qilish üchün namayish qilish, ochuq xet yézish qatarliq pa'aliyetlerni uyushturup, Uyghurlarning xitay hökümiti we se'udi erebistan hökümitige bolghan qattiq naraziliqini bildürgen.

Shuning bilen 10 ‏- ayning 3 ‏- küni, pakistandiki 2000 din artuq haji namzatlirining hemmisige se'udi erebistan elchixanisi teripidin wiza bérildi. Qoligha wiza alghan Uyghur haji namzatliri shadliqqa chömüsh bilen bir waqitta özlirining rabiye xanimgha bolghan chongqur hörmitini bildürmekte. Bu heqtiki tepsiliy melumatni muxbirimiz eqidedin anglighaysiler.