Али мәктәп оқуғучилиридин һамилдарлиқ тәкшүрүши елип бериш тәнқидкә учриди
2007.06.01
Уйғур аптоном райониниң мәркизи үрүмчидики бир кәспий али мәктәптә мәзкур мәктәптики ресидә қиз оқуғучилар үстидин елип берилған һамилдарлиқ тәкшүрүши, қизларниң шәхси турмушиға қилинған иғвагәрчилик, дегән сәвәбләр билән тәнқидкә учриғандин кейин, мәктәп даирилири тәкшүрүш елип беришни тохтатқан.
Ройтерс ахбарат агентлиқиниң хәвәр қилишичә, үрүмчидики мәзкур кәспий али мәктәп өзини ақлап, қиз оқуғучиларниң һамилдар яки әмәсликини тәкшүргәнлик, оқуғучилар вә уларниң аилә - тавабати алдидики мәсулийәтчанлиқимизни ада қилғанлиқтур", дәп тәкитлигән болсиму, лекин мәктәпниң һәрикити мәтбуатларда тәнқид қилинғандин кейин, тәкшүрүш тохтутулған. Шинхуа ахбарат агентлиқи бу һәқтики хәвиридә, вәқә йүз бәргән мәктәптики бир оқуғучиниң бу қаидини" арқида қалқанлиқ, қалақ вә бипәрваларчә һәрикәт,"дәп тәнқид қилғанлиқини язди.
Мәтбуат хәвәрлиридә, һамилдарлиқ тәкшүрүши елип берилған үрүмчидики бу кәспий али мәктәпниң исми тилға елинмиған болсиму, лекин бу мәктәпниң бир йеза игилик кәспий али мәктипи икәнлики вә 17 - 18 яшлардики қиз оқуғучиларниң һамилдар яки әмәсликини тәкшүрүш мәқситидә мәктәп залиға йиғивелинип, қизларниң дохтурларға сүйдүк үлгиси беришкә мәҗбурланғанлиқини язған иди.
Шинхуа ахбарат агентлиқиниң әскәртишичә, мәзкур мәктәпниң ваң хоңли исимлик бир мәсули, мәктәп даирилири оқуғучиларниң кишилик шәхсийитини көздә тутуп, " тәкшүрүштин ваз кәчкәнлики" вә бу мәсилидә "җамаәт пикриниң еғир бесимиға учриғанлиқини" билдүргән.(Әркин)
Мунасивәтлик мақалилар
- Уйғур елидин алий мәктәпкә тизимлатқан оқуғучиларниң сани зор дәриҗидә ешип кәткән
- Үрүмчидики бир али мәктәптә қиз оқуғучилар үстидин һамилдарлиқ тәкшүрүши елип барди
- Маарип назарити җигәр яллуғиға гирипдар болған оқуғучиларни оқуштин һәйдигәнликини ақлиди
- Үрүмчи 15 - оттура мәктәптики җигәр яллуғи билән юқумланған оқуғучиларниң көпчилики юртиға қайтурулди
- Уйғур аптоном районидики оқуғучи қобул қилиш ишлири ахирлашти