Xitay yopurgha nahiyisini ishek göshi ishlepchiqirish bazisigha aylandurdi


2005-05-08
Share

Xitay da'iriliri Uyghurlar topliship olturaqlashqan qeshqerning yopurgha nahiyisini xitaydiki asasliq ishek göshi ishlepchiqirish bazisigha aylandurdi.

Xitay hökümitige qarashliq tengritagh tor bétining xewiridin ashkarilinishiche, yopurgha nahiyisi "yopurgha ishiki" baqmichiliq meydanlirini qurup, déhqanlarni ishek baqmichiliqi bilen shoghullinishqa dewet qilghan. Nahiyilik hökümet da'iriliri yene "ishek férmiliri" gha her xil töwen ösümlük qerz bérish qatarliq étibar siyasetlirini yolgha qoyghan.

Xewerdin melum bolushiche, nöwette yopurghidiki ishek férmilirida, 60 ming tuyaqtin artuq ishek bar bolup, 40 méngi yopurghining sortluq ishiki iken. Bu ishek férmiliri, her yili Uyghur éli we xitay ölkilirini 120 tonnidin artuq ishek göshi bilen teminleydiken.

Ishekni yerlik musulman Uyghur xelqi ezeldin qatnash we yaki déhqanchiliq qorali süpitide béqip kelgen bolsimu, biraq islam dinida ishek göshi we sütini istimal qilish haram hésablinidu.

Xitay da'irilirining Uyghur musulmanliri topliship olturaqlashqan " yopurgha nahiyisi" ge "ishek yurti" namini bérip, ishek göshini ishlepchiqirish merkizige aylandurghanliqi, nurghun Uyghurlar teripidin Uyghurlarning milliy we diniy örp- adetlirining nezerge élinmighanliqining ipadisi dep qarimaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet