Héytkah meschitining sabiq imami harunxan hajim qaza qilghan


2005.04.26

Héytgah meschitining xitay hökümiti teripidin " wetenperwer diniy zat" dep baha bérilgen sabiq imami harunxan 24 - april küni 84 yéshida qaza qilghan.

Igilishimizge qarighanda, uning namizi düshenbe küni héytkah jamiside chüshürülgen. Xitay hökümiti uning méyit namizida, uning xitay kompartiyisige bolghan sadiqliqini, xitay hökümitining Uyghur élidiki diniy siyasetlirini yürgüzüshte körsetken xizmetlirini medhiyilep, mexsus teshwiq waraqlirini tarqatqan.

Harunxan diniy sorunlarda xitay hökümitining pilanliq tughutni öz ichige alghan siyasetlirini aktip teshwiq qilghanliqi üchün, 1996 - yili bir qanche Uyghur yashliri teripidin yarilandurulghan. Shundin béri, u xitay hökümiti teripidin milliy bölgünchilikke qarshi turush we muqimliqni ishqa ashurushta xizmet körsetken " wetenperwer diniy zat" dep teshwiq qilinip kelmekte.

Biraq, nurghun Uyghurlar we diniy zatlar harunxan'gha " diniy hem milliy munapiq" dep baha bermekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.