Xitay Uyghur perzentlirige qaritilghan mejburiy emgekni dawamlashturmaqta


2006-08-17
Share

Uyghur aptonom rayonluq ma'arip nazariti, bu yilidin bashlap her derijilik ma'arip memuri tarmaqliri we mekteplerning, bashlan'ghuch mektep oqughuchilirigha paxta térish wezipisi chüshürüshini cheklidi. Lékin, ottura mektep, aliy mektep we téxnikom oqughuchilirigha hélimu bu wezipini chüshürüshke boludighanliqini körsetti.

Aptonom rayonluq tirishchanliq bilen ishlep, iqtisadchanliq bilen mektep bashqurush ishxanisidikiler, paxta tirish emgikining bashlan'ghuch mektep oqughuchilirigha nisbeten éytqanda, emgek sijilliqining nisbeten zor ikenlikini, ularning jismaniy we pisxik saghlamliqigha paydisiz ikenlikini nezerde tutup, bu yildin bashlap bashlan'ghuch mektep oqughuchilrigha paxta tirish wezipisi chüshürüshke ruxset qilmasliq toghrisida qarar chiqirilghanliqini bildürgen.

Xitay ishlepchiqirish qurulush armiyisining 7 milyon mu mexsus kéwez ishlep chiqirish meydanlirigha emgek küchi yétishtürüsh üchün 1994 ‏- yili aptonom rayonluq ma'arip nazariti Uyghur élide tirishchanliq bilen ishlep, iqtsadchanliq bilen mektep bashqurush namida, bashlan'ghuch mektep oqughuchiliridin ta aliy mektep oqughuchilirighiche her yili paxta térish mezgilide paxta térishqa oxshash éghir emgeklerge orunlashturup kelgen. Ata-anilar paxta térish emgikining balilarning jismaniy we eqliy saghlamliqigha éghir tesirlerni élip kéliwatqanliqini tekitlep, uzun yillardin buyan izchil naraziliq bildürüp kelgen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet