Uyghur aptonom rayonida déhqanlarni yazliq hashargha tutush bashlandi

Uyghur aptonom rayoni hökümiti ötken yili 2005 - yildin bashlap aptonom rayon boyiche hashar emgikining bikar qilinidighanliqini jakarlighandin kéyin, yerlik da'iriler bir qanche kündin béri qeshqer qatarliq jaylarda déhqanlarni orma peslide yazliq hashargha heydidi.

Qeshqerning peyziwat qatarliq nahiyiliridiki puqralarning ashkarilishiche, yerlik da'iriler yéqinqi bir qanche kündin béri déhqanlarni kelkün'ge qarshi östeng chépish, yol yasashqa seperwer qilmaqtiken. Déhqanlar, hashar emgiki oma mezgilige toghra kelgenliktin a'ile déhqanchiliqi tosalghugha uchrighanliqini bildürmekte. Déhqanlarning ashkarilishiche, hashargha kétidighan emgek qorallirini, yimek - ichmek, yitip - qopush we yol heqqini déhqanlar özi kötüridiken.

Peyziwat nahiyisidiki bir déhqan radi'omizgha téléfonda , " hashargha chiqmighanlargha jerimane qoyulidu yaki jerimane töleshni ret qilghanlarning mal - mülki musadire qilinidu," dep körsetti. Emma yerlik da'iriler hashar déhqanlarni menpe'etdar qilidu, dep körsetmekte.

Qeshqerning yéngi sheher nahiyisi xan'ériq yézisidiki yéza kadiri emetning tekitlishiche, déhqanlar özi mangidighan yolni özi yasishi kérekken. Xan'ériqtiki emet, hasharning xalisane yolgha qoyuliwatqanliqini bildürdi. Uning eskertishiche, déhqanlar hashar ornigha traktorlar bilen élip baridiken.

Uyghur aptonom rayoni xitay boyiche déhqanlar hazirgha qeder hashar tutuliwatqan birdin - bir rayon bolup hésablinidu. (Erkin)