Uyghur élide " hashar" emgiki dawamlashmaqta

Xewerlerge qarighanda, xitayning ichki ölkiliride alliqachan emeldin qaldurulghan "hashar" emgiki hazirmu Uyghur élidiki déhqanlarning zimmisidiki bir chong yük bolup turmaqta.

Uyghur élining jenubiy rayonidiki yézilardin erkin asiya radi'osi heqsiz liniyisige téléfon qilghan déhqanlar " hashar" emgikining üzlüksiz dawamlishiwatqanliqini bildürmekte.

Xelq'ara emgekchiler we kishilik hoquq teshkilatliri, qulluq tüzümining qalduqi dep körsitilgen " hashar" emgikining Uyghur élide hazirmu, mejburiy emgek yaki " xalisane emgek " dégen'ge oxshash atalghular bilen dawamlishiwatqanliqini qattiq tenqit qilghan.

Xitay hökümiti xelq'ara teshkilatlarning tenqiti netijiside, hashar emgikining -2005 -yilining axirighiche, Uyghur élide pütünley emeldin qaldurilidighanliqini jakarlighan idi. Emma Uyghur élidin kelgen xewerlerge qarighanda, Uyghur déhqanliri hélimu bu mejburiy emgekning bésimi astida yashamaqta. (Qanat)