Уйғур аптоном район вәкиллири икки чоң йиғинда немә үчүн һашар сияситини йоқ қилишни оттуриға қоймайду?


2007-03-07
Share

Икки чоң йиғинда уйғур аптоном район вәкиллири немиләрни оттуриға қойғанлиқи һәққидә уйғурчә учур васитилирида елан қилған хәвәрләр билән хитайчә учур вастилирида елан қилған хәвәрләр охшимайду. Уйғурчә тәңритағ тор бетидә: хәлқ вәкили җавпиң йиғинда 'җәмийәттә ишқа орунлишиш пурсәтлири толуқ болуши керәклики; игә-чақсиз, йетим -йеиср, мейипләр беқиш шараитиға игә қилиниши лазимлиқи; дора қиммәт, давалиниш тәс болуш мәсилисини һәл қилиш лазимлиқи; пул балиларниң оқуш йолидики путликашаң болуп қалмаслиқи лазимлиқи; наһәқ, ялған, хата делоларни қалдурмай бир тәрәп қилиш лазимлиқи; бәзи кишиләрниң йошурун маашлирини ашкарилап, киримни адил тәқсим қилип, пуқраларниң киримини көпәйтиш лазимлиқи; ширкәтләрдә хизмәтчиләрниң мәнпәәтини биринчи орунға қоюш лазимлиқи; муһитни булғашни қәтий чәкләш лазимлиқи' қатарлиқ әмәлий мәсилиләрни оттуриға қойди дәп хәвә қилинған болса, шинҗаң хәлқ радио стансисиниң хитайчә хәвәрлиридә: вәкил абдулла аббасниң 'мәркәзгә қарайдиған мәктәпләр хитайчә оқуйдиған миллий оқуғучиларниң санини һәр йили 10 миңға йәткүзүш, йәрлик мәктәпләр 15 миңға йәткүзүш лазим, дәп мәркәзгә җиддий тәләп қойғанлиқини алаһидә тәшвиқ қиливатиду.

Чәтәлләрдә туруватқан уйғурлар болса, һәқсиз әмгәк хитайниң һечқандақ йеридә йоқ, әмма һөкүмәт уйғур деһқанлирини 'һашар' дегән һәқсиз әмгәккә мәҗбурлайдиған иш пәқәт уйғур аптоном районидила бар, өзини 'хәлқниң вәкили' дәп атиған кишиләр немә үчүн бундақ сиясәтни әмәлдин қалдурушни оттуриға қоймайду, дәп суал соримақта. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт