Uyghur aptonom rayon wekilliri ikki chong yighinda néme üchün hashar siyasitini yoq qilishni otturigha qoymaydu?


2007-03-07
Share

Ikki chong yighinda Uyghur aptonom rayon wekilliri némilerni otturigha qoyghanliqi heqqide Uyghurche uchur wasitilirida élan qilghan xewerler bilen xitayche uchur wastilirida élan qilghan xewerler oxshimaydu. Uyghurche tengritagh tor bétide: xelq wekili jawping yighinda 'jem'iyette ishqa orunlishish pursetliri toluq bolushi kérekliki؛ ige-chaqsiz, yétim -yéisr, méyipler béqish shara'itigha ige qilinishi lazimliqi؛ dora qimmet, dawalinish tes bolush mesilisini hel qilish lazimliqi؛ pul balilarning oqush yolidiki putlikashang bolup qalmasliqi lazimliqi؛ naheq, yalghan, xata délolarni qaldurmay bir terep qilish lazimliqi؛ bezi kishilerning yoshurun ma'ashlirini ashkarilap, kirimni adil teqsim qilip, puqralarning kirimini köpeytish lazimliqi؛ shirketlerde xizmetchilerning menpe'etini birinchi orun'gha qoyush lazimliqi؛ muhitni bulghashni qet'iy cheklesh lazimliqi' qatarliq emeliy mesililerni otturigha qoydi dep xewe qilin'ghan bolsa, shinjang xelq radi'o stansisining xitayche xewerliride: wekil abdulla abbasning 'merkezge qaraydighan mektepler xitayche oquydighan milliy oqughuchilarning sanini her yili 10 minggha yetküzüsh, yerlik mektepler 15 minggha yetküzüsh lazim, dep merkezge jiddiy telep qoyghanliqini alahide teshwiq qiliwatidu.

Chet'ellerde turuwatqan Uyghurlar bolsa, heqsiz emgek xitayning héchqandaq yéride yoq, emma hökümet Uyghur déhqanlirini 'hashar' dégen heqsiz emgekke mejburlaydighan ish peqet Uyghur aptonom rayonidila bar, özini 'xelqning wekili' dep atighan kishiler néme üchün bundaq siyasetni emeldin qaldurushni otturigha qoymaydu, dep su'al sorimaqta. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet