Yekende yüz ming déhqan keng kölemlik hashargha tutuldi


2007-03-11
Share

Qeshqer hökümet tor bétidin ashkarilinishigha qarighanda, -3 ay kirishi bilenla qeshqerning yeken nahiyiside, boz yer échish, kökertip orman bina qilish dégen namda hashar yene bashlan'ghan bolup, yekenning 29 yéza kentliridin bolup 100ming déhqan hashargha ishlimekte iken.

Xewerde körsitilishiche, yeken nahiyilik hökümet yekenning yaqa'ériq kenti tewesidiki ékologiyilik muhiti nachar bolghan 10 ming mo kélidighan chöllükni badam ishlepchiqirish bazisigha aylandurushni pilanlighan bolup, hashargha tutulghan 100ming déhqan -6 marttin bashlap nahayiti nachar shara'itta bu jayda éghir heqsiz emgekke orunlashturulghan.

Déhqanlardin igilinishiche, yeken nahiyilik hökümet, bu bahardiki hashar emgiki jeryanida déhqanlargha 8450 mo yéngi boz échish, 68 tash yolni yashas, 68 kilométir uzunluqta orman belwéghi yasash, yene 2400 métir östeng hemde 50000din artuq tarmaq ériq östenglerni chépish qatarliq emgek wezipilirini yükligen.

Bikargha hashagha tutush déhqanlarda eng küchlük naraziliq qozghap kéliwatqan mesile bolup,gerche xitay hökümiti peqet Uyghur élidila dawamliship kelgen shahar emgikini -2005 yilining axirighiche pütünley bikar qilidighanliqini jakarlighan bolsimu emma Uyghur yéziliridin igiliginimizdek heqsiz mejburi emgek bolghan hashar Uyghur élida hélihem éghir derijide mewjut. Hökümet déhqanlarni keng kölemlik hashargha tutiwatqan bolsimu, buning heqsiz hashar ikenlikini yoshurup kelmekte.

Yerlik da'iriler bu qétim yekende bashlan'ghan keng kölemlik hasharningmu xaraktérini yoshurup "yekendiki déhqanlar boz yer échish,kökertish dolqunini yuqiri kötürdi" dep xewer élan qildi.(Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet