Teklimakanda buningdin 2000 yil ilgiri owlan'ghan 98 türlük omurtqiliq haywan tépildi


2006.01.20
Share on WhatsApp
Share on WhatsApp

Xitay we fransiyilik mutexessislerdin terkip tapqan bir arxé'ologiyilik tekshürüsh ömiki, teklimakanning merkizi belwighida buningdin 2000 yil burun owlan'ghan 98 türlük yawayi haywanning ülgisini bayqighan. Tekshürüsh xizmiti xitay penler akadimiyisi bilen fransiye merkizi asiya inistitutining arxé'ologliri teripidin élip bérilmaqta.

Tekshürüsh ömiki kériye derya'isining töwen éqimida qidirish élip bérip, béliq, su we quruqluqta yashaydighan haywanlar, ömüligüchiler, uchar qushlar we wehshi haywanlar türini bayqighan. Bularning ichide hazir nesli qurup ketken qara yilpiz, yarkent toshiqini, ghajighuchi haywanlar, bödüne we paxtek qatarliqlar bar.

Shinxu'a axbarat agéntliqining xewer qilishiche, fransiye - xitay arxé'ologiye mutexessislirining birleshme tekshürüsh xizmiti 1993 - yili bashlan'ghan bolup, bu ayda axirlishidiken. Mutexessisler kériye deryasining jenubidin shimalighiche bolghan 200 kilométir da'iride tekshürüsh élip barghan.

Arxé'ologiyilik tekshürüsh ömkidiki xitay penler akadimiyisining tetqiqatchisi ma mingning ashkarilishiche, ular qumush qatarliq bezi muhim ösümlüklerni bayqighan. U, sün'iy hemradin tartilghan resimler we neq meydandiki tekshürüshke qarighanda, buningdin 2000 yil ilgiri teklimakan chöllüki derya we ösümlükler bilen qaplan'ghan, nurghun haywanlar yashaydighan jay ikenliki melum bolmaqta, deydu. Xitay da'iriliri teklimakan rayonida köp qétim arxé'ologiyilik tekshürüshler élip barghan bolsimu, emma buning köp qisimi ashkara élan qilinmidi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.