Xitay hökümiti Uyghurlarning hejge bérishini cheklimekte

Dunya Uyghur qurultiyining bayanatchisi dilshat rishitning peyshenbe küni bildürishiche, xitay hökümiti yéqinda atush shehiri we aqtu nahiyisidiki üchünji dölet arqiliq hejge chiqishqa teyyarliq qilghan 43 neper Uyghurni tutqun qilghan.

Uning éytishiche, bu kishiler esliy paksitan arqiliq hejge bérishni pilanlighan . Xitay hökümet da'iriliri buni bayqighandin kiyin, ularni tutqan. Tutulghanlar arisida bu kishilerni hejge oyushturghan kishimu bar iken.

Firansiye axbarat agéntliqining bildürishiche, aqtu nahiyisidiki bir saqchi qeshqerdiki chigrada 31 ademning tutulghanliqini anglighanliqini étirap qilghan.

Dilshat rishitning yenimu ilgirligen halda bildürishiche, xitay hökümiti Uyghur élide islam dinining tesirining küchiyishidin endishe qilip, Uyghurlarning hejge bérishini türlük usulda cheklimekte. Xitay hökümiti se'odiy erebistan'gha bérish üchün parsport telep qilghan Uyghurlargha pasport bijirishni toxtatqan. Buningdin srt, chet'eldiki uruq tuqqanliri we dostlirini yoqlashni xalaydighan Uyghurlarghimu pasport bijirishni ret qilghan.

Dunya Uyghur qurultiyining bayanatchisi dilshat rishit axirida, xitay hökümitining Uyghur musulmanlirining hejge we chet'eldiki qanunluq diniy pa'aliyetlerge bérishini cheklewatqanliqini qattiq eyiplidi. (Arzu)