Uyghur élining hej ömiki, mekkige qarap yolgha chiqti

2004-12-28
Élxet
Pikir
Share
Print

Xitay hökümiti teripidin teshkillen'gen, Uyghur élining 1500 kishilik hej ömiki hej qilish üchün mekkige qarap yolgha chiqqan.

Sherqiy türkistan uchur merkizining ashkarilishiche, 28 - dékabir küni se'udi erebistanning mekke shehirige qarap yolgha chiqqan mezkur ömek ezalirining chet'ellik düshmen küchler we bölgünchi teshkilatlar bilen alaqe qilishi qet'iy men'i qilin'ghan bolup, guruppidin ayrilip shexsiy nam bilen hej pa'aliyetlirige qatnishish cheklen'gen.

Sherqiy türkistan uchur merkizining bildürüshiche, xitay islam jemiyiti teshkilligen hej ömikining ezaliri ichide islam muxlisliri, dölet bixeterlik xadimliri hemde yene milli birliksep xadimlirimu bar iken. 28 - Dékabir yolgha chiqqan hej ömiki kéler yili 1 - ayning 28 - küni Uyghur élige qaytip kélidiken.

Uchur merkizining tekitlishiche, hej ömiki yolgha chiqishtin bir hepte burun xitay hökümiti barliq ezalarni ürümchi yer shari méhmanxanisigha yighip, ulargha siyasiy terbiye öginishi élip barghan. Hökümet ömek ezalirining se'udi erebistandiki mezgilde bölgünchi teshkilatlar bilen alaqe qurmasliqini, bölgünchi teshkilatlargha a'it matiryallarni xitaygha élip kelmeslikini shuningdek ruxset qilinmighan ehwal astida yalghuz pa'aliyet élip barmasliqini hemde her bir hej qilghuchi bir - birini nazaret qilip, gheyri heriket sézilgen haman derhal pash qilishi kéreklikini telep qilghan. (Eqide)

Pikirler (0)
Share
Toluq bet