Xitay hökümiti Uyghurlarning hej pa'aliyetlirini cheklesh heqqide uqturush chüshürdi


2005-09-12
Share

Dunya Uyghur qurultiyining ashkarilishiche, xitay hökümiti hej mezgilining yéqinlishishi bilen Uyghurlarning hejge bérishini cheklesh üchün töt maddiliq uqturush chüshürdi.

Qurultay bayanatchisi dilshat rishitning bildürishiche, Uyghur aptonum rayonluq milliy , diniy ishlarni bashqurush komitétining chiqarghan bu uqturushida, her qaysi hökümet tarmaqlirining teshwiqatni kücheytip, puqralarning hejge bérish qizghinliqini töwenlitish؛ öz aldigha hejge baridighanlarni qattiq kontrol qilish, bu wezipisini yaxshi orunlimighan orunlar we shexislerning mes'oliyitini qattiq sürüshtürüsh, öz aldigha hejge barghanlarni we uyushturghuchilarni qattiq bir terep qilish qatarliqlar belgilen'gen.

Dunya Uyghur qurultiyining bayanatchisi dilshat rishit, xitay hökümiti qol qoyghan xelq'ara kishilik hoquq ehdinamisining 13 - maddisini neqil keltürüp, hemme ademning öz dölitidin ayrilish we dölitige qaytish hoquqining barliqini bildürdi.

U xitay hökümitining öz aldigha hejge barghanlarni cheklishining, Uyghurlarning diniy étiqadini yoqitish we depsende qilishni meqset qilidighanliqini körsetti. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet