9600 Нәпәр мусулман һөкүмәт тәрипидин мәхсус айропиланда һәҗигә әвәтилмәкчи


2006-11-14
Share

Шинхуа агентлиқи тәрипидин берилгән хәвәрдин мәлум болушичә, бу йил ахири вә келәр йили бешида, 9600 нәпәр мусулман һөкүмәт тәрипидин йол бойи тохтимай учидиған мәхсус айропиланда мәккигә һәҗгә әвәтилидикән.

Хитай ислам җәмийитиниң муавин рәиси яң җибо "бу қетим мәхсус айропиланда мәккигә һәҗгә әвәтилидиған 9600 нәпәр мусулман пәқәт уйғур елидинла әмәс, бәлки чиңхәй, гәнсу, ниңшя, йүннән, сәнши, ички моңғул вә хенән қатарлиқ җайлардин талланған, шундақла бу қетим һәҗгә әвәтилмәкчи болғанларниң сани илгирики һәр қандақ йилдикидин көп болди, бу хил әһвал тарихта техи көрүлүп бақмиған" дәп махтанған.

Хәвәрдә мәлум болушичә, бу қетим мәккигә әвәтилидиғанларни елип маңидиған тунҗи қетимлиқ айропилан 11 ‏- айниң 29 ‏- күни гәнсу өлкисиниң ләнҗу шәһиридин учидикән. Техи йеқиндила, өмри һәҗ қилиш үчүн пакистанға чиққан нәччә миң нәпәр уйғур хитай әлчиханисиниң тосалғуси түпәйлидин виза алалмай наразилиқ намайиши елип берип ғәлибә қилған иди. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт