Xitaydin yolgha chiqqan hej kandidatliri tunji ayrupilan bilen se'udi erebistan'gha yétip bardi

Xitaydiki musulman haji kandidatliri, 29 ‏- noyabir küni lenjudin uchup, se'udi erebistanning medine shehirige yétip keldi.

Merkizi agéntliqning 30 ‏- noyabir küni bildürüshiche, bu yil xitayda 9 ming 600 nechche musulman, hökümet uyushturghan guruppilar buyiche hej pa'aliyiti élip baridiken, shuningdek bu hökümet orunlashturghan hej pa'aliyiti ichide, hej qilghuchilar sani eng köp bolghan yil hésablinidiken.

Xewerlerge qarighanda hej qilghuchilar asasen, Uyghur éli, chingxey, gensu, ningsha, yünnen, shenshi, ichki mongghul, xénen qatarliq 8 ölkidin bolup, hej kandidatlirini toshuydighan mexsus ayrupilan ürümchi, béyjing we künmingdin uchidiken.

Xitay hökümiti her yili hej qilghuchilar sanini alahide kontrol qilip kelgen bolup, bolupmu Uyghurlargha bérilgen san intayin az idi, shunga bu yil öz aldigha hej qilish üchün yolgha chiqqan Uyghurlar, pakistan , dubey, türkiye qatarliq döletlerde köpligen qéyinchiliqlargha duch keldi. Dunya Uyghur qurultiyining re'isi rabiye qadir xanimning tirishchanliq körsitishi netijiside pakistan'gha kelgen Uyghurlarning hemmisi bu yil élip baridighan ömür hej pa'aliyitini ongushluq élip barmaqta. Emma xitay da'iriliri öz aldigha hej qilghuchilarni se'udi erebistandin qaytip barghandin kéyin qattiq jazalaydighanliqini bildürgen. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar