Rusiye we qazaqistan, Uyghur élide yuqiri pen téxnika türliri boyiche hemkarliq élip bérishni teshebbus qilmaqta

Téxi yéngila Uyghur élining sanji shehiride ötküzülgen, rusiye, qazaqistan pen -téxnika jehette yéngiliq yaritish we meblegh sélish türlirini sunush yighinida, peqet qazaqistan terepla 200 din artuq pen - téxnika türi boyiche Uyghur éli bilen hemkarliq élip bérish teklipini otturigha qoyghan.

Uyghur élidin kelgen xewerlerdin melum bolushiche, bu yil 6 -ayda aptonum rayonluq pen- téxnika soda wekiller ömiki rusiyining sibiriye fidiratsiyilik rayonida ziyarette bolup, ikki terep, yuqiri pen - téxnika we soda türliri boyiche köpligen kélishimlerni tüzgen .

Bu yil 8 -ayda, rusiyining, sibiriye fidratsiyilik rayonidiki hoquqluq wekili ürümchini ziyaret qilip, Uyghur aptunum rayonluq pen - téxnika nazariti bilen mexsus pen - téxnika türliri boyiche kélishim hazirlap, kéler yili sibiriye pen - téxnika akadémiyiside "shinjang pen - téxnika körgezmisi" uyushturushni qarar qilghan.

Küzetküchiler bildürishiche, Uyghur élining ewzel shara'itidin paydilan'ghan xitay hökümiti, rusiye we qazaqsitan bilen peqet soda hemkarliqi élip bérish emes, pen - téxnika jehettimu hemkarliqni ilgiri sürüsh arqiliq bu döletler bilen bolghan munasiwetni kücheytish meqsitige yétishni pilan qilmaqta iken . (Eqide)