Хитай вә оттура асия иқтисади һәмкарлиқ йиғини үрүмчидә ечилмақчи


2006.09.04
Share on WhatsApp
Share on WhatsApp

Хитай вә оттура асиядики 7 дөләтниң малийә министирлири келәр айда уйғур аптоном райониниң мәркизи үрүмчигә йиғилип, бу дөләтләр арисидики оттура мәнзиллик истратегийилик һәмкарлиқ пиланини мақуллимақчи.

Хитай малийә министирлики хәлқара мунасивәтләр идарисиниң муавин мудири җүй куйлинниң хитай мәтбуатлириға ашкарилишичә, 18 - өктәбирдин 20 - өктәбиргичә ечилидиған йиғинда афғанистан, әзәрбәйҗан, қазақистан, қирғизистан, моңғулийә, таҗикистан, өзбекистан вә хитай малийә министирлири район характерлик иқтисади һәмкарлиқни, әйдиз вә қуш зукам вироси қатарлиқ кесәлликләр үстидә һәмкарлишип тәтқиқат елип бериш түрлирини өз ичигә алған кәң даирилик һәрикәт пиланини мақуллайдикән.

Җүй куйлин, шинхуа ахбарат агентлиқиға бу пилан буниңдин кейинки 3 йилдин 5 йилғичә бу дөләтләр арисидики һәмкарлиқниң йитәкчи қолланмиси болуп қалидиғанлиқини билдүрди. Анализчиларниң әскәртишичә, хитай шәрқий түркистан мустәқилчи күчлириниң районда актип һаләткә өтүшидин қорқуп, райондики дөләтләр билән көп тәрәплимилик мунасвәтни күчәйтмәктә.

Төмүрйол вә ташйол қурулуши хитайниң оттура асиядики дөләтләр билән бу хил истиратигийилик һәмкарлиқни күчәйтиш пиланини бир қисими. Асия тәрәққият банкиси қатарлиқ хәлқара органлар бу қурулуш үчүн һазирға қәдәр 440 милйон доллар қәрз, 83 милйон доллар ярдәм бәргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.