Xitay we ottura asiya iqtisadi hemkarliq yighini ürümchide échilmaqchi


2006-09-04
Share

Xitay we ottura asiyadiki 7 döletning maliye ministirliri kéler ayda Uyghur aptonom rayonining merkizi ürümchige yighilip, bu döletler arisidiki ottura menzillik istratégiyilik hemkarliq pilanini maqullimaqchi.

Xitay maliye ministirliki xelq'ara munasiwetler idarisining mu'awin mudiri jüy kuylinning xitay metbu'atlirigha ashkarilishiche, 18 - öktebirdin 20 - öktebirgiche échilidighan yighinda afghanistan, ezerbeyjan, qazaqistan, qirghizistan, mongghuliye, tajikistan, özbékistan we xitay maliye ministirliri rayon xaraktérlik iqtisadi hemkarliqni, eydiz we qush zukam wirosi qatarliq késellikler üstide hemkarliship tetqiqat élip bérish türlirini öz ichige alghan keng da'irilik heriket pilanini maqullaydiken.

Jüy kuylin, shinxu'a axbarat agéntliqigha bu pilan buningdin kéyinki 3 yildin 5 yilghiche bu döletler arisidiki hemkarliqning yitekchi qollanmisi bolup qalidighanliqini bildürdi. Analizchilarning eskertishiche, xitay sherqiy türkistan musteqilchi küchlirining rayonda aktip haletke ötüshidin qorqup, rayondiki döletler bilen köp tereplimilik munaswetni kücheytmekte.

Tömüryol we tashyol qurulushi xitayning ottura asiyadiki döletler bilen bu xil istiratigiyilik hemkarliqni kücheytish pilanini bir qisimi. Asiya tereqqiyat bankisi qatarliq xelq'ara organlar bu qurulush üchün hazirgha qeder 440 milyon dollar qerz, 83 milyon dollar yardem bergen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet