Bu yil yaz Uyghur élide höl yéghin apiti pewqul'adde köp körülmekte


2007.08.02

Bu yil yaz pesli kirishi bilen Uyghur élining her qaysi jaylirida höl yéghin xaraktérlik apetler éghirlighan bolup , yerlik gézitlerning 1 - awghust bergen xewirige qarighanda , yettinchi aydin hazirghiche bolghan bir ay ichide 250 mingdin artuq amma kelkün xaraktérlik apetlerning tesirige uchrighan.

Statistika qilinishiche , Uyghur élining her qaysi jaylirida yüz bergen bu xil apetlerde 29 adem jénidin ayrilghan , ikki adem yoqap ketken . 7 - Ay kirishi bilen bolupmu , tengritéghining shimaliy we sherqiy qisimlirining köp jaylirida hemde jenubiy Uyghur élining bir qisim jaylirida uzun muddetlik höl yéghin dawam qilghan bolup , bu xil tarixta körülmigen hawa kélimati ,kelkün, tagh sérilish, tupraq éqish qatarliq tehditi éghir bolghan apetlerning üzülmey yüz bérishige seweb bolghan.

Sanji hem qumul qatarliq jaylarning apetke uchrash ehwali bir qeder éghir bolup ,qumulda 150 yildin buyan körülmigen keng kölemdiki kelkün apitide 100din artuq amma apette qalghan , bextke yarisha ölüm ‏- yétim ehwali körülmigen bolsimu , emma yigirme mingche öy örülüp ,110 ming mo étizliq hem térilghular weyranchiliqqa uchrighan bolup , kélip chiqqan iqtisadiy ziyan 268milyon yüendin éship ketken. Sanji bolsa , apetlerde eng köp adem chiqim qilghan jay bolup kelkün apiti seweblik 11adem ölgen , yene 11 adem éghir yarilan'ghan.8000Mingdin artuq öyler örülgen.

Shundaqla Uyghur éli métrologiye idarisining eskertishiche , bu xil apet xaraktérlik nem hawa kélimati yene uzun muddet dawam qilidighan bolup , yenimu zor apetlerning körülüsh éhtimalliqi chong bolghachqa , hökümet da'iriliri apetning aldini élish hemde qutquzush ishlirini jiddiy élip barmighanda yenimu éghir aqiwetlerdin saqlinish mumkin emes iken. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.