Xongkong we teywenliklerning Uyghur aptonom rayonida xizmet qilish cheklimisi bikar qilinidu

Merkizi axbarat agéntliqining xewer qilishiche, 10 - ayning 1 - künidin bashlap Uyghur aptonom rayonida ishleydighan xongkong, awmén we teywen puqralirining xizmet sahesi we xizmet xaraktérige qoyulghan cheklime bikar qilinidiken.

Da'iriler ilgiri Uyghur aptonom rayonida xizmet qilidighan teywen, xongkong we awménliqlargha " ishlesh guwanamisi" tarqitip bérip, yilda bir qétim yéngilaytti.

Uyghur aptonom rayoni emgek we ijtima'iy parawanliq nazariti ishqa orunlashturush bashqarmisining mu'awin mes'uli ablimit meqsudning shinxu'a axbarat agéntliqigha ashkarilishiche, öktebirdin bashlap kinishka tarqitish tüzümi, xizmet türi we xizmet xaraktérige cheklime qoyush bikar qilinidiken. Shuning bilen birge xongkong, awmén we teywenliklerning xizmet mesilisini bir terep qilish hoquqi her qaysi wilayet, oblast we sheherlerdiki emgek we ijtima'iy parawanliq idarilirining bashqurushigha ötküzüp bérilidiken.

Da'irler néme üchün xongkong, teywen we awménliqlargha qoyulghan cheklimining bikar qilin'ghanliqini chüshendürmigen bolsimu, emma hökümetning rayondiki siyasitini tenqid qilghuchilar, Uyghurlarda ishsizliqning nahayiti éghir ijtima'iy mesile bolup qalghanliqini agahlandurmaqta. (Erkin)