Yash edip muxtar qadir honzade wapat boldi


2007.02.22
Share on WhatsApp
Share on WhatsApp

Uyghur tor béti tereqqiyatigha alahide töhpe qoshqan, tonulghan yash sha'ir muxtar qadir honzade peyshenbe küni chüshtin kéyin sa'et 11:30 etrapida mekit nahiyisde méngige qan chüshüsh sewebidin alemdin ötken.

Ma'arip sépide Uyghur ma'aripi üchün uzun yil ejir singdürgen edip muxtar qadir honzade özining nadir eserliri bilen oqurmenlerning yuqiri bahasigha érishipla qalmastin, Uyghur intérnét sahesige eng deslep qedem qoyup, teyyarlighan tor béti arqiliq uchur dunyasida yüz bergen qiziqarliq témilarni tarqitish, terbiyiwi ehmiyetke ige eserlerni élan qilish arqiliq yashlarni terbiyilesh, heweskarlarning meniwiy bayliqini béyitish yolida halal xizmetlirini ishlep, Uyghur xelqining yuqiri bahasigha érishken.

Edip muxtar 1964 ‏- yili mekitte tughulghan, bayin'ghulin oblasti néfit 2 ‏- ottura mektibide ishligen. U aptonom rayonluq yazghuchilar jem'iyitining ezasi idi.

Uchurlargha qarighanda, mekitke ata ‏- anisini yoqlash üchün barghan merhum edip, ana yurti mekitke depne qilinidiken. Merhumning waqitsiz ölümi weten - ichi we sirtidiki Uyghurlarni cheksiz qayghugha chömdürdi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.