Hüsenjan qarim, özbékistan hökümiti teripidin xitaygha qayturup bérildi


2006.06.26

Mart iyida özbékistanda qolgha ilin'ghan kanada puqrasi hösenjan qarimning özbékistan hökümiti teripidin xitaygha qayturup bérilgenliki bildürüldi.

Hösenjan qarimning kanadada yashaydighan ayali kamile tilendibaywaning bildürüshiche, kanada tashqi ishlar minstirliqining bir xadimi, tashkenttiki kanada diplomatlirining kanada tashqi ishlar minstirliqini, hüsenjan qarimni özbékistan hökümiti xitaygha qayturup bergenliki toghrisida xewerdar qilghanliqini éytqan.

Hüsenjan qarimning qachan xitaygha qayturup bérilgenliki téxi iniq melum emes, emma yéqinda hüsenjan qarimning tashkenttiki tuqqanliri özbékistan da'irilirining uni bashqa bir türmige yütkigenlikini bildürüp, lékin uni qaysi türmige yütkigenliki toghrisida ulargha melumat bermigenlikini xewer qilghan idi.

Bu yil ayali we üch balisi bilen birlikte özbékistandiki uruq- tuqqanliri bilen körüshüsh üchün özbékistanni ziyaret qilghan hüsenjan qarim 27‏ - mart küni tashkentte üzbék da'iriliri teripidin tutulghan.

Kanada hökümiti, kanada puqrasi bolghan hüsenjan qarimning özbék da'iriliri teripidin tutulghanliqigha qattiq naraziliq bildürüp, özbékistan hökümitidin uning derhal qoyup bérishini telep qilghan hemde uni qutquzush üchün diplomatiye pa'aliyetlirini dawamlashturmaqta idi.

Siyasiy pa'aliyetliri tüpeyli 1990‏- yililirining otturilirida chet'elge qéchishqa mejbur bolghan hüsenjan qarim, 2001‏- yili kanadagha kélip siyasiy panahliq telep qilghan. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.