Kanada hüseyin jilil toghrisida xitay hökümitige diplomatiye notisi berdi

Kanadada chiqidighan "toronto yultuzi" gézitining xewer qilishiche, kanada hökümiti hüseyin jililning qaysi yerde ikenliki heqqide éniq melumat bérishi üchün xitay hökümitige diplomatiye notisi bergen.

Lékin xewerde éytilishiche, xitay hökümiti hazirghiche kanadaning diplomatiye notisigha jawap qayturmighan.

Kanada tashqi ishlar ministiri piter makkey, ötken jüme küni bergen bayanatida, biz hüseyin jilil mesilisini bashtin béri jiddiy qariduq hemde döletning eng yuqiri qatlamdiki rehberler bu mesile üstide ishlewatidu, dédi.

Bayanatida, kanada hökömitining xitay hökümitining jawabini kütiwatqanliqini tekitligen piter makkey, eger xitay hökümitidin bir jawap kelmise, biz bu ishning péshini qoyup bermeymiz. Biz kanada puqralirining hoquqini qoghdash üchün qolimizda bar pütün wasitilarni ishlitimiz, dédi.

Bu arida hüseyin jililning adwokati kiris maliyud kanada bash ministiri sitfan harperdin hüseyin jililni xitay türmisidin qutquzush üchün xitaygha mexsus bir wekil ewetishni telep qildi.

Özbékistan hökümiti ötken jüme küni, hüseyin jililni, kanada hökümitining uni kanadagha qayturush toghrisidiki teleplirige qarimay xitaygha tapshurup bergenlikini éniqlidi.

Uruq-tughqanlirini yoqlash özbékistan'gha barghan hüseyin jilil 27‏- mart küni özbékistan da'iriliri teripidi qolgha élin'ghan idi. (Qanat)