Kanada metbu'atliri, kanada hökümitining hüseyin jélil mesilisige passip pozitsiyide boluwatqanliqini tekitlidi


2006.10.19
Share on WhatsApp
Share on WhatsApp

Kanadada chiqidighan toronto qoyash gézitide 10‏- ayning 19‏- küni hüseyin jélil mesilsi toghrisida élan qilin'ghan bir maqalide, kanada hökümiti "özining puqrasini qoghdash üchün yéterlik tirishchanliq körsetmeywatidu" dep eyiblendi.

Pitér wortingtén teripidin élan qilin'ghan mezkur maqalide "hüseyin jélilning özbékistan teripidin tutulup xitaygha tapshurup bérilgenliki ademni qanchilik ghezeplendürse, kanada hökümitining bu mesilige sel qarishi kishini shu qeder ghezeplendüridu" déyilgen.

Maqaliside , kanada bash ministirining parlaménttiki wekili jeson kenining, hüseyin jélil mesilisini murekkep bir mesile dep körsetkenlikini eskertken wortingtén "xitay hökümiti erkinlik we démokratiyini qollighan herqandaq Uyghurni térrorchi dep qaraydu" dep körsetti.

Xitay hökümitining bolupmu 11‏- séntebir weqesidin kéyin, xitaydiki özlirining milliy kimlikini qoghdash yaki musteqilliq üchün küresh qiliwatqan herqandaq milliy we diniy guruppini térrorchi dep körsitwatqanliqini tekitligen wortingten yene, "kanada tashqi ishlar ministiri pitér mekki, biyokratlirigha bir az tekshürüsh élip barghuzush arqiliq Uyghurlarning térrorchi emeslikini derhal inqliyalaydu" dégen.

Uyghur élige bérip hüseyin jililning 80 yashtiki dadisi, ukisi we hedisini ziyaret qilip kelgen kanada CBC shirkitining muxbiri Anthony Germain, ularning hélimu kanada hökümiti höseyin jililni qutquzidu dégen ümid bilen yashawatqanliqini, shuning üchün kanada hökümitige qarshi héchqandaq ipade bildürmigenlikini eskertken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.