Kanada metbu'atida hüseyin jélil

Kanada chiqidighan Globe and Mail géziti, özbékistan hökümiti teripidin xitaygha tapshurup bérilgen we xitay hökümiti teripidin térrorluq pa'aliyetlirige qatnashqan dep eyiblen'gen kanada puqrasi hüseyin jélilning xitayda ötküzgen eng chong jinayitining meschitke kanay békitikliki ikenlikini bildürdi.

Globe and Mail Géziti, 17‏- féwral küni hüseyin jélil mesiliside uzun bir tekshürüsh maqalisi élan qilip, hüseyin jélilning Uyghur élide imamliq qiliwatqan chéghida, meschitke yuqri awazliq kanay békitkenlikining, uning xitay hökümiti teripidin qolgha élinishigha, dwamliq bésimgha uchrishigha, wetini tashlap chet'ellerde sergerdan bolup yürüshige sewebchi bolghanliqini bildürdi.

Maqalida éytilishiche, xitay hökümiti, hüseyin jélilni chet'eldimu aram aldurmighan. U chet'elge chéqip ketkendin kéyin, uning wetinidiki urugh-tughqanlirigha bésim qilghan. Hüseyin jélil u döletdin bu qéchip yürüp, axirida b d t musapirlar idarisining uning syasiy panahliqini qobul qilishi bilen, 2001 - yili kanada gha kélip biraz xatirjem bolghan. Emma uning bu xatirjemliki uzun sürmigen bolup bügün u térrorluq pa'aliyetlirige qatnashqan dep eyiblinip, xitay türmiside yatmaqta. Maqalide, xitay hökümitining hüseyin jélilning sotigha, xitaydiki kanada bash elchixana xadimlirini qatnashturmighanliqining kanada hökümitini bolupmu kanada bash ministiri stifan harperni qattiq ghezeblendürgenliki, kanada bash ministirining xitaydiki kanada bash elchixanisige hüseyin jélil mesilisini yéqindin közitish üchün ürümchige elchixana xadimliri ewetish, hüseyin jélil meslisi bir terep bolghan'gha qeder ularni ürümchide dwamliq turghuzush toghrisida buyruq chüshürgenliki bildürülgen.

Jüme küni kanada tashqi ishlar ministiri péter makkeyning hüseyin jélil mesiliside xitay hökümitini eng qattiq teleppuzda tenqid qilip, xitay hökümitining kanada hökümitige hazirghiche hüseyin jélilning térrorluq pa'aliyetlirige qatnashqanliqi heqqide héchqandaq pakit körsitelmigenlikini eskertkenliki tekilen'gen maqalide, hüseyin jélil mesilsi xitay kanada munasiwetliridiki jiddiy bir mesilige aylinip, ikki dölet munasiwetlirining künséri yiriklishishige seweb boluwatidu, déyilgen. (Qanat)