Һөсәйин җелилниң тутқун қилинғанлиқиниң 1 йиллиқи мунасивити билән намайиши өткүзүлди


2007-04-02
Share

Канада уйғур җәмийитиниң рәиси мәмәт тохтиниң бәргән мәлуматиға қариғанда, 4-айниң 1-куни уйғур канада җәмийитиниң орунлаштурушида хитай түрмисидики һөсәйин җелилниң гунаһсиз тутқун қилинғанлиқиниң 1 йиллиқи мунасивити билән торонтодики хитай консулханиси алдида наразилиқ намайиши өткүзүлгән.

Намайишқа уйғурлардин башқа йәнә, һөсәйин җелилниң йеқинлири, канадалиқ достлири һәмдә әзәрбәйҗан вә турк қериндашлиридин тәркип тапқан 40 тин артуқ киши қатнашқан.

Намайиш җәрянида, намайишчилар хитай һөкүмитигә болған наразилиқлирини ипадиләйдиған шуарларни товлиғандин башқа, хитайларниң шәрқий түркистандики дәпсәндичилик сияситини қаттиқ әйиблигән.

Намайишқа түрлүк ахбарат вастилиридин кәлгән мухбирларму иштирак қилған. Торонто стар, бурлиңтон пост вә һөсәйин җелил һәққидики һөҗҗәтлик филим ишләватқан күбәк мухбирлириму алаһидә монтреалдин килип бу паалийәтни толуқ сүрәткә алған.

Гәрчә һава наһайити ямғурлуқ болған болсиму, балилар вә ханимларниң бу намайишта көрсәткән қизғинлиқи көпчиликни илһамландурған. Намайишқа һөсәйин җелилниң ханими камилә ханимму бурлиңтондин килип қатнашқан. Икки саәт давам қилған намайиш чүштин кийин саәт 3 әтрапида тинч- аманлиқ ичидә ахирлашқан. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт