Kanada puqrasi höseyin jilil mudetsiz qamaq jazasigha höküm qilindi


2007-04-19
Share

Xitay tashqi ishlar minsitirliqining bayanatchisi lyü jyenchaw béyjingda muxbirlargha bergen bayanatida "höseyin jilil xitayni parchilash we térrorluq guruppilarni teshkillesh, térrorluq teshkilatlargha rehberlik qilish hemde ularning pa'aliyetlirige qatnshish qatarliq ikki jinayet sewebidin mudetsiz qamaq jazasigha höküm qilin'ghan" dep körsetken.

Höseyin jilil 2006‏- yili mart éyida a'ilisi bilen birlikte özbékistanni ziyaret qiliwatqan mezgilde, özbékistan hökümiti teripidin tutulup, iyun éyida kanada hökümiti we xelq'ara jama'etning qattiq naraziliqigha qarimay xitaygha tapshurup bérilgen idi.

Höseyin jililning xitaygha tapshurup bérilgenliki we xitay hökümitining höseyin jililning kanada puqrasi ikenlikini étirap qilishni ret qilishi, xitay bilen kanada hökümiti otturisida diplomatik bir mesilige aylan'ghan.

Xewerlerge qarighanda, kanada hökümitining höseyin jililning qoyup bérilishi üchün élip barghan jiddiy diplomatiye pa'aliyetliri shundaqla tibetning dahisi dalay lamagha kanada puqraliqi bérishi xitay hökümitini qattiq ghezeblendürgen.

Siyasiy mulahizichiler, höseyin jililning mudetsiz qamaq jazasigha höküm qilin'ghanliqi, xitay bilen kanada otturisidiki munasiwetlerning téximu keskinlishishige seweb bolushi mumkin, déyishmekte. Ular höseyin jililning kanada tashqi ishlar minstiri piter makkeyning xitay ziyaritining harpisida mudetsiz qamaq jazasigha höküm qilin'ghanliqini xitay hökümitining kanadagha bergen bir ségnali dep qarimaqta. Xewerlerge qarighanda, kanada tashqi ishlar minstiri 29‏- may küni xitayni ziyaret qilidiken. (Omer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet