Kanada hökümiti, kanada puqrasi höseyin jililning mudetsiz qamaq jazasigha höküm qilin'ghanliqi tüpeylidin xitay hökümitini qattiq tenqid qildi

Kanada tashqi ishlar minstiri péter mekkay bu munasiwet bilen otawada bergen bayanatida, höseyin jililning mudetsiz qamaq jazasigha höküm qilin'ghanliqi bizni chongqur qayghulandurdi, dédi. Piéter makkey kanada hökümiti höseyin jililning türmide qattiq ten jazasigha uchrighan bolushi mumkinliki toghrsidiki endishilirining dawamlishiwatqanliqini tekitlep, bu hem kanada, hem xitay hökümiti qol qoyghan jenwe ten jazasigha qarshi kélishimining depsende qilin'ghanliqi bolup hésablinidu, dep körsetti.

Kanada tashqi ishlar minstirliqining bayanatida, péter makkeyning kanadiki xitay bash elchilikige resmiy naraziliqini bildürgenliki hemde höseyin jililning ayali kamile xanim bilen sözliship, uninggha teselliy bergenliki qeyt qilin'ghan. Bayanatta éytilishiche, kanada tashqi ishlar minstiri höseyin jililning ayaligha, kanada hökümitining höseyin jililning mesilisining adaletlik bir terep qilinishi üchün pa'aliyetlirini dawamlashturidighanliqini bildürgen.

Kanada hökümiti dawamliq xitay hökümitining kishilik hoquq xatirisini tenqid qilip kelmekte. Ötken yili noyabir éyida kanada bash minstiri stiéfan harper, kanada hökümiti üchün kishilik hoquqning birnchi orunda turidighanliqini, xitay bilen soda munasiwetlirini dep xitayning kishilik hoquq xatirisini tenqid qilishtin waz kechmeydighanliqini tekitligen. (Omer qanat)