Üzbékistandiki intérpol orgini hüsenjan jélilni térrorchi dep eyibligen

Özbékistan uchur tarmaqlirining xewer qilishiche, üzbékstandiki intérpol yeni xelq'ara saqchi orgini kanada puqrasi hüsenjan jélilni térrorchi dep eyibligen.

Özbékistan axbarat da'irilirining éytishiche, intérpolning üzbékistandiki bash orginining mu'awin bashliqi nawfal xalmatow "birning qolimizdiki matériyallargha asaslan'ghanda, bezi uchurlarda qeshqerlik kanada puqrasi, kishilik hoquq pa'aliyetchisi we imam dep teswirlewatqan hüsenjan jélil del 1955 ‏- yili xitayning shinjang Uyghur aptonom rayonidiki qeshqer shehiride tughulghan, türkiye puqrasi güler dilawer dégen kimlik bilen yürgen kishi.

U yene qirghizistan qanun tarmaqliri teripidin 1968 ‏- yili tughulghan hüseyyin jélil, 1969 ‏- yili tughulghan hüseyinjan jélil, 1970 ‏- yili tughulghan hüsen siddikowich dégen oxshimighan kimlik astida yushurunup kelgen térrorchi gurup ezasi, adem güröge élish we qanunsiz qoral -yaraq etkeschiliki bilen shughullan'ghanliqi, shundaqla yene, qirghizistanda 2000 ‏- yili 28 ‏- mart küni xitay wekiller ömikige qarshi térrorchiliq heriketke qatnashqanliqi éniqlan'ghan kishi" dep bayan qilghan. (Weli)