Kanada bash ministir yardemchisi hüsenjanni qutuldurush üchün xitaygha barmaqchi

Kanada bash ministiri stiwin xarpérning yardemchisi yéqinda, özbékistan teripidin xitaygha qayturulghan kanada puqrasi Uyghur hüsenjan jélilni qutuldurush üchün xitaygha bérishni pilanlawatqanliqini bildürdi.

Bash ministirning yardemchisi kalgari jéysén kénni kanada metbu'atigha özining xitaygha bérishni pilanlawatqanliqini éytip, " men qolumdin kélidighan her qandaq yardemni qilishni xalaymen hem ishinimenki, bash ministirmu buni yéqindin qollaydu" dédi.

Kénnining éytishiche, kanada hökümiti hazir xitaygha ularning hüsenjan jélilning qolgha élinish mesilisige jiddiy qarawatqanliqini éytqan. Özbékistan hökümiti ötken hepte axirida kanada da'irilirige hüsenjanni xitaygha qayturghanliqini xewer qilghan, emma qaysi küni qayturulghanliqini éniq éytmighan.

Kénnining körsitishiche, kanada hökümiti buningdin xewer tapqandin kéyin derhal térrorchiliqqa qarshi heriket sahesidiki bir neper mutexessisini béyjingdiki xitay emeldarliri bilen uchrashturup, ulargha kanadaning hüsenjan jélilning qolgha élinish weqesige jiddiy pozitsiye tutidighanliqini bildürgen.

Gerche hazirghiche xitay hökümiti hüsenjan jélilni tapshurup alghanliqini éniqlimisimu, lékin kanada hökümiti özbékistanning hüsenjanni xitaygha tapshurup bérip bolghanliqigha ishinidiken. (Peride)