Üzbékstan hökümiti hüsenjan jélilni xitaygha ötküzüp bergenlikini bildürdi
2006.06.30
Birleshme agéntliqi kanada puqrasi hüsenjan jélil hajimning ürbékstanda qolgha élinip xitaygha ötküzüp bérilish aldida turghanliqi heqqide xewer bergendin kéyin, 6 - ayning 30 - küni "mosnyus" tor béti élan qilghan xewerde bayan qilinishiche, üzbékstan hökümiti kanada puqrasi hüsenjan jélilni ölümge höküm qilish éhtimali bolghan xitaygha ötküzüp bergenlikini éniq bildürgen.
Xewerde bayan éytilishiche, xitay hökümiti ötken yili 3900 ademge ölüm jazasi élan qilip, uningdin 1770 ademni atqan. Xitay hökümiti bu kishilerge da'ir uchurlarni "dölet mexpiyetliki" dep atimaqta. Xewerde éytilishiche yene, xelq'ara kechürüm teshkilati xitayning qazaqistandin 5 - ayda ötküzüp bergen bir Uyghur bilen üzbékstan bu qétim ötküzüp bergen bir Uyghurni öz jayigha qayturushi lazimliqini tekitligen. (Weli)