Xitay hüseyin jélil mesiliside hazirghiche zuwan sürmidi


2006.07.18
Share on WhatsApp
Share on WhatsApp

Xitay hökümiti kanada tewelikidiki Uyghur muhajir hüseyin jélilni özbékistandin ötküzüwalghan'gha 3 hepte bolghan bolsimu, lékin kanada hökümiti uning qeyerde ikenlikidin hazirghiche xewer alalmighan.

Kanadada chiqidighan "glob we pochta" gézitining xewer qilishiche, kanada hökümiti qolgha élin'ghan kanada puqralirining hal - ehwalidin xewer élish mejburiyiti boyiche 3 heptidin béri hüseyin jélil bilen körüshüshke tiriship kelmekte. Lékin jonggo hökümiti xelq'ara ehdinamilarda üstige alghan mejburiyitige qarimay, hüseyin jélilning qeyerde ikenliki heqqide uchur bérishni ret qilghan.

"Glob we pochta" gézitining eskertishiche, ular ötken bir qanche heptidin béri xitay tashqi ishlar ministirliki we xitay jama'et xewpsizlik ministirliqidin hüseyin jélilning ehwalini sorighan, lékin bu organlar uning heqqide uchur bérishni ret qilghan. Hazirgha qeder uning heqqidiki birdin - bir xewer bir xitay gézitide hüseyin jélilning mesilisi "jonggoning térorizimgha qarshi kürishidiki bir örnek, dep tilgha élinish boldi.

Kanada tashqi ishlar ministirlikining bir ayal bayanatchisi, " biz hüseyin jélilning mesilisi qanun tertip boyiche béjirilishi we hoquqining qoghdilishi üchün dawamliq tirishimiz," deydu. Lékin hüseyin jélilning adwokati krist maklyod, " bu mesile diplomatik notilar bilen hel bolmaydighanliqini" eskertip, kanada hökümiti yéterlik küch chiqarmidi, dep eyiblidi.

Xewerlerge qarighanda hüseyin jélilning kanada pasporti özbékistan da'iriliri teripidin élip qélin'ghan. Xitay tashqi ishlar ministirliki bolsa bir jonggo puqrasining kanada tewelikige ötkenliki uning kanada puqrasi ikenliki aptumatik étirap qilinidighanliqidin dérek bermeydighanliqini bildürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.