Һүсәйин җелилниң өлүм җазаси һәққидики хәвәрләр канада даирилирини алдиритип қойди


2006.08.07
Share on WhatsApp
Share on WhatsApp

Канаданиң "глоб вә почта" гезити, хитай даирилириниң канада пуқраси һүсәйин җелилға өлүм җазаси берилидиғанлиқини хәвәр қилғандин кейин, канада ташқи ишлар министирлики бу хәвәрниң раст - ялғанлиқини ениқлашқа тиришмақта.

Канада баш министири степан харперниң парламент ишлири секретари җейсин кинейниң әскәртишичә, улар бу хәвәрни аңлиғандин кейин, имканийәтниң баричә буниң раст - ялғанлиқини испатлашқа тиришмақтикән.

Җиейсин киней канада ташқи ишлар министири петир микай билән һүсәйин җелилниң мәсилисини йерим саәт музакирә қилғандин кейин, җейсин киней "биз бу хәвәрләрниң раст - ялғанлиқини испатлишимизға тоғра келиду," вә "һөкүмитимиз өзиниң әндишисини мумкин болған әң җидди усуллар билән оттуриға қойиду," дәп тәкитлиди. Лекин канада даирилири һөсәйин җелил хитайға өткүзүп берилгәндин бери бейҗиң даирилиридин униң һәққидә һичқандақ учур алалмай кәлди.

Һүсәйин җелилни хитайға өткүзүп берилиштин бурун җоңго даирилири униң үстидин сүт ечип өлүм җазасиға һөкүм қилған. Канада даирилириниң ашкарилишичә, канада баш министири степан харпер һүсәйин җелилниң дилосиға бивастә арлашмақчикән. Әгәр һүсәйин җелилға өлүм җазаси берилгәнлики испатланса, баш министир харпер хитай баш министири вен җябав яки дөләт рәиси ху җиңтавларға телефон ечиши мүмкин. Лекин канада ташқи ишлар министири җейсин кинейниң әскәртишичә, у өткән хитай ташқи ишлар министири ли җавшиң билән малайзияда көрүшкәндә бу мәсилини оттуриға қойған вә хитай даирилири бейҗиңдики канада әлчихаси әмәлдарлириға һүсәйин җелилниң өлтүрүлмәйдиғанлиқи һәққидә капаләт бәргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.