Hüseyin jélilning ölüm jazasi heqqidiki xewerler kanada da'irilirini aldiritip qoydi


2006.08.07
Share on WhatsApp
Share on WhatsApp

Kanadaning "glob we pochta" géziti, xitay da'irilirining kanada puqrasi hüseyin jélilgha ölüm jazasi bérilidighanliqini xewer qilghandin kéyin, kanada tashqi ishlar ministirliki bu xewerning rast - yalghanliqini éniqlashqa tirishmaqta.

Kanada bash ministiri stépan xarpérning parlamént ishliri sékrétari jéysin kinéyning eskertishiche, ular bu xewerni anglighandin kéyin, imkaniyetning bariche buning rast - yalghanliqini ispatlashqa tirishmaqtiken.

Ji'éysin kinéy kanada tashqi ishlar ministiri pétir mikay bilen hüseyin jélilning mesilisini yérim sa'et muzakire qilghandin kéyin, jéysin kinéy "biz bu xewerlerning rast - yalghanliqini ispatlishimizgha toghra kélidu," we "hökümitimiz özining endishisini mumkin bolghan eng jiddi usullar bilen otturigha qoyidu," dep tekitlidi. Lékin kanada da'iriliri höseyin jélil xitaygha ötküzüp bérilgendin béri béyjing da'iriliridin uning heqqide hichqandaq uchur alalmay keldi.

Hüseyin jélilni xitaygha ötküzüp bérilishtin burun jonggo da'iriliri uning üstidin süt échip ölüm jazasigha höküm qilghan. Kanada da'irilirining ashkarilishiche, kanada bash ministiri stépan xarpér hüseyin jélilning dilosigha biwaste arlashmaqchiken. Eger hüseyin jélilgha ölüm jazasi bérilgenliki ispatlansa, bash ministir xarpér xitay bash ministiri wén jyabaw yaki dölet re'isi xu jingtawlargha téléfon échishi mümkin. Lékin kanada tashqi ishlar ministiri jéysin kinéyning eskertishiche, u ötken xitay tashqi ishlar ministiri li jawshing bilen malayziyada körüshkende bu mesilini otturigha qoyghan we xitay da'iriliri béyjingdiki kanada elchixasi emeldarlirigha hüseyin jélilning öltürülmeydighanliqi heqqide kapalet bergen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.