Xitay hökümiti hüsenjan jililni sotlashqa bashlidi


2006.08.11
Share on WhatsApp
Share on WhatsApp

Xitay tashqi ishlar ministirliqi we kanadaning xitayda turushluq elchixanisining bildürüshiche, xitay hökümiti kanada puqrasi hüsenjan jililni, térrorluq heriketlirige qatnashqan dep eyiblep, sotlashqa bashlighan.

Xitay tashqi ishlar minstirliqi 11‏- awghust küni bir bayanat élan qilip, hüsenjan jililning, "térrorchi we bölgünchi dep qaralghan teshkilattiki pa'aliyetliri tüpeylidin" sotqa tartiliwatqanliqini bildürdi. Kanadaning béyjingdiki bash elchixanisi bolsa, xitay hökümiti hüsenjan jililning xitay türmiside ikenlikini éniqlidi dep, körsetti.

Kanadaning béyjingdiki bash elchixanisining bayanatchisi jéni chi'en, 11 ‏-awghust küni bergen bayanatida, xitay hökümitining hüsenjan jililning ölüm jazasigha höküm qilinmaydighanliqi toghrisida kanada hökümitige wede bergenlikini bildürdi. Yéqinda, xitay hökümitining hüsenjan jililni ölüm jazasigha höküm qilip, 10 ‏- awghust küni hökümni ijra qilidighanliqi toghrisida xewerler tarqalghan idi.

Kanada puqrasi hüsenjan jilil shangxey hemkarliq teshkilatining ezasi bolghan özbékistan hökümiti teripidin tutulup, kanada hökümiti we xelq'ara kishilik hoquq teshkilatlirining naraziliqlirigha qarimay xitaygha tapshurup bérilgen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.