Amérika Uyghur jem'iyiti "toronto quyash" gézitining maqalisini eyiblidi

Amérika Uyghur jem'iyiti, "toronto quyash" gézitide kanadaning nime üchün bashqa döletke tewe bolghan höseyin jélilgha mes'ul bolushi kéreklikini chüshenmek tes, dep maqale yazghan pétir wortingtonni tenqid qildi.

Pétir wortington, 31 - awghust küni " toronto quyash" gézitide élan qilghan maqalisida kanada puqrasi hüseyin jélilning dölet tewelikini talash - tartish qilghan we "kanada néme üchün bashqa döletlerde herikiti gumanliq bolghan kanadagha tewe emes bir kishige panaliq béridu, " dep yazghan.

Amérika Uyghur jem'iyiti bayanatta, pétir wortingtonning qarishini xitaygha oxshash diktator döletler tutuwalghan kanada puqralirini qutuldurush we ularning bixeterliki üchün xeterlik ölge, dep körsetti. Bayantta, " heqliq bolmighan sewebler bilen chet'elde tutup qélin'ghan kanada puqralirini qoghdash kanada hökümitining asasi qanundiki mejburiyiti, " deydu.

"Belki wortington höseyin jélil ata - anisi, a'ilisi, uruq - tughqanlirini, dost - yarenlirini, diniy, medeniyiti, tili, en'enisi we ana wetini bilen munasiwitini üzgen bolsa, uning kanada tewelikini étirap qilghan bolatti, " dep yazghan bayanatta, lékin u "hüseyin jélilning nime üchün tinch diniy pa'aliyetlerni dep türmide yatqanliqini, türkiyige qachqanliqini, özi qatnashmighan ehwal astida ölüm jazasigha höküm qilin'ghanliqini we axirida kanadagha kélip, ümid we erkinlikke érishkenlikini toghra chüshünelmeydu, "dep eskertti. (Erkin)