Xitay hökümiti kanada puqrasi hüseyin jélilgha 15 yilliq qamaq jazasi höküm qilghan

• 
  2006-09-11

'Kanada agéntliqi' (CP) ning toruntodin xewer qilishiche, xitay hökümitining kana puqrasi Uyghur hüseyin jélilgha 15 yilliq qamaq jazasi höküm qilghanliqi melum. Emma kanada da'iriliri téxi buningdin xewerdar qilinmighan.

Xewerde bayan qili'ishiche, kanada puqrasi hüseyin jélilning singlisi hüseyin jélilgha 8 ‏- ayda 15 yilliq qamaq jazasi élan qilinip bolghanliqini qeshqer saqchiliridin anglighan. Uning anglishiche, hüseyin jélil eyibleshke qayil bolmighanliqi üchün, uninggha qaytidin soraq qilinish pursiti bérilmeydiken. Emma hüseyin jélilning a'ile -teweliri we qollighuchiliri uninggha qaritilghan eyibleshni ret qilidu. Uning xitay türmiside adil sotlinishini tesewwur qilghili bolmaydu dep qaraydu. Kanada Uyghur jem'iyitining re'isi mehemmet toxtining bayan qilishiche, xitay hökümitining hüseyin jélil toghrisida téxiche bir resmiy shikayetnamisi yoq. Uni xitayda sotlash tamamen qanunsizliq'.

Xewerde bayan qilinishiche, 37 yashliq kanada puqrasi Uyghur hüseyin jélil bu yil 3 ‏- ayda özbékstan da'iriliri teripidin 'térrorchiliq bilen shughullan'ghan', 'qirghizstanda xitay emeldarlirini öltürüshni pilanlighan' dep eyiblinip xitaygha ötküzüp bérilgen idi. Türk tilida sözlishidighan musulman Uyghurlar uzun yillardin buyan xitaydin musteqil bolush üchün heriket qilip kelmekte. (Weli)