Kanada hökümiti höseyin jélilning hoquqini qoghdashqa tirishmaqta


2006-09-21
Share

Kanada tashqi ishlar ministirliqining bayanatchisi ambra dike 9‏- ayning 21‏- küni radi'omizgha bergen bayanatida, kanada hökümitining hüseyin jélil özbékistan teripidin xitaygha qayturup bérilgendin béri, uning hoquqni qoghdash üchün jiddiy pa'aliyet élip bériwatqanliqini bildürdi.

Muxbirimizning höseyin jélil mesilsi toghrisidiki so'aligha jawap bergen kanada tashqi ishlar ministirliqining bayanatchisi ambra diké mundaq dédi: "kanada hökümiti höseyin jélilning xitaygha qayturup bérilgenlikini anglighandin kéyin derhal hem ottawa hemde béyjingda heriketke ötüp, xitay hökümitidin uning qaysi jayda ikenlikini kanada hökümitige bildürüshini shundaqla kanada hökümet da'irilirining uning bilen uchrishishigha ruxset bérilishini telep qildi. 7‏- Ayning axirliri ötküzülgen sherqiy asiya hemkarliq teshkilatigha eza döletlerning yéghini jeryanida kanada tashqi ishlar ministirining xitay tashqi ishlar ministiri bilen körüshüp höseyin jélil mesilisini otturigha qoyghanliqini bildürdi.

Kanada hökümitining höseyin jélilni qutquzush üchün élip bériwatqan jiddiy pa'aliyitini üzlüksiz dawamlashturuwatqanliqini tekitligen ambra diké, kanada hökümiti höseyin jilil mesilisini bir terep qilish üchün ikki dölet tashqi ishlar minstirlirining 7 ‏- ayning axirliridiki söhbiti asasida pa'aliyitini dawamlashturiwatidu hemde höseyin jélil bilen körüshüsh, uning hoquqini qoghdash hemde xitay terepning uninggha yaxshi mu'amile qilishi üchün pütün tirishchanliqini körsitiwatidu, dédi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet